Tabernetako eta kafetegietako ur-kontsumoa oso aldakorra izaten da. Zer establezimendu mota den, zer zerbitzu eskaintzen dituen eta erabiltzaileen sentsibilizazio maila hartu behar dira kontuan horretarako.
Jakinarazi bezeroei eta langileei zer neurri hartu diren uraren kontsumoa murrizteko, eta adoretu ura erabiltzeko ohitura eraginkorragoak hartzera.
Etxetresna elektriko eraginkorrak (arropa- zein ontzi-garbigailuak, garbiketa-tresnak, kafe-makinak…) aukeratuz gero nabarmen murrizten da uraren kontsumoa.
Zure izotz-makina ur-zirkuitu irekikoa bada, aldatu eta jarri airearen bidez hozten den bat. Zirkuitu irekikoek 10,8 litro ur gastatzen dute 1,2 kilo izotz egiteko.
Ziurtatu hozteko ekipoak (aire-girogailua, hozte-dorrea) eta berogailua ondo aukeratu eta instalatu dituzula, eta mantentze-lanak ondo eginda dituztela.
Kendu zirkuitu ireki bidezko hozteko ekipo zaharkituak, eta jarri aire bidez hozten duten ekipoak; edo, behinik behin, uraren birzirkulazioa dutenak.