Adoretu langileak eta bezeroak/erabiltzaileak ohitura eraginkorragoak hartzera. Adibidez, kartel edo eranskailu batzuk jar daitezke honelako esaldiekin:
Itxi txorrota, xaboia ematen duzun edo hortzak garbitzen dituzun bitartean.
Jakinarazi enpresako langileei zer neurri hartu diren komunetan uraren kontsumoa murrizteko.
Egiaztatu ez dela urik galtzen. Txorrota batek tanta-jarioa badu, egunean 30 litro galtzen dira alferrik; hau da, urtean 10.000 litro baino gehiago!
Txorrota tenporizatuak edo itxiera automatikokoak. Txorrota tenporizatuak botoiari sakatu eta denbora jakin batean ixten direnak dira. Denbora hori igarotakoan itxi egiten dira automatikoki. Eraikin publikoetan, kontsumoa %30 eta 40 artean murrizten dela kalkulatzen da. Garrantzitsua da txorrota guztietan emaria eta irekita egongo den denbora ondo kalibratzea, erabiltzaileentzat erosoak izateko. Era berean, mantentze-lanak egitea ere komeni da, ondo funtziona dezaten. Erabilera normal baterako neurri perfektua 6-8 l/min-ko emaria eta 6-9 segundo dela kalkulatzen da.
Txorrota elektronikoak. Itxiera automatikoko txorroten artean, higieneari eta ura aurrezteari dagokienez, elektronikoek eskaintzen dituzte prestaziorik onenak. Eskuak txorrotaren azpian jartzean irekitzen dira. Erabiltzaileak eskuak bertan dituen bitartean ur-emaria ez da eteten, baina eskuak handik kenduz gero, berehala eteten da.
Ezin baduzu era honetako teknologiarik jarri (etxeetarakoak baino pixka bat garestiagoak dira), gogoan izan:
Hobe da aginte bakarreko txorrotak jartzea betiko erruleta-txorrotak baino. Aginte bakarreko txorrota berri bat erosi behar baduzu, ziurtatu bi fasetan irekitzekoa dela; hau da, uraren kontsumoa %50 baino gehiago aurrezten laguntzen duen tarteko topea duela. Erabili aireztatzeko gailuak txorrotetan; iturrien muturrean jartzen dira, eta airea gehitzen diote ur-zurrustari. Horrela, kontsumoa %40-50 murrizten da, baina erabiltzaileari inolako kalterik eragin gabe.
Beste gailu bat emari-erreduktoreak dira; txorroten tutuetan jartzen dira, uraren kontsumoa aurretik ezarritako kontsumo jakin batetik gorakoa izan ez dadin (eskuarki 8 litro/minutuko).
Adoretu langileak eta bezeroak/erabiltzaileak ohitura eraginkorragoak hartzera. Adibidez, kartel edo eranskailu batzuk jar daitezke honelako esaldiekin:
Gogoratu: komuna ez da paperontzia.
Ura aurrezteko sistema duen tanga: sakatu berriz deskarga eteteko (mekanismo hori izanez gero).
Ura aurrezteko sistema duen tanga: beharrizan txikia, botoi txikia (sakagailu bikoitzeko mekanismoa izanez gero).
Jakinarazi enpresako langileei zer neurri hartu diren komunetan uraren kontsumoa murrizteko.
Egiaztatu ez dela urik galtzen.
Enpresetan, erabiltzaile askoko komunetarako teknologiarik aproposena deskarga presurizatukoa da.
Deskarga presurizatuko sistemak itxiera automatikoko (mekanikoa edo elektronikoa) txorrota baten bidez eragiten dira. Txorrota hori uraren barne-sareko hodi batean instalatzen da. Presioa saretik datorrenez, eta ez tangako ur-zutabetik, deskargak potentzia handia izaten du; garbiketa, beraz, oso eraginkorra izaten da. Sarean presio handia izan behar da instalatu beharreko fluxometro bakoitzarentzat; ondorioz, presioa zorroztasunez aztertu behar da, eta tutuak, balbulak eta abar diametro handikoak izan behar dira. Hortaz, ur-ihesen kontrola egin behar da nahitaez; izan ere, txorrota batzuek izaten duten emari oparoetan (minutuko 90 litrora artekoak) tanta-jario txiki bat ur-galera handi bihur daiteke.
Halaber, eta emaria oso handia denez, oso ondo doitu behar da deskarga-sistemak irekitzeko denbora. Eragozpenok mugatzeko fluxometro bakoitzean eteteko giltza bat jarri behar da. Giltza horiei esker, akatsen bat antzemanez gero, erraz eta azkar itxi daiteke uraren pasoa.
Fluxometroak / tenporizadoreak
Deskarga-sistema hauek martxan jartzeko uraren pasoa irekitzen duen mekanismoari sakatu behar zaio. Fluxometroak, batik bat, erabilera publikoko komunetan jartzen dira; haietarako abantaila handiak eskaintzen dituelako:
Ez denez tangarik bete behar, fluxometroak deskargatzeko prest daude beti, eta erabileratik erabilerara ez da itxaron behar.
Uraren presio handiari esker, oso deskarga eraginkorra egiten da denbora gutxian, eta garbiketa zehatza egiten du.
Fluxometroek leku gutxi behar dute, eta bandalismoaren eraginez apurtzeko ageriko eremu gutxi dituzte.
Tangen mekanismoetan bezala, etxe batzuek sakagailu bikoitzeko fluxometroak ere eskaintzen dituzte.
Elektronikoak
Tenporizadoredun sistemen antzeko egitura dute, baina badute desberdintasun bat: presentzia-detektagailuek edo zelula fotoelektrikoek abiarazten duten sistema elektroniko baten bidez jartzen dira martxan. Deskarga eteteko sistemak tenporizadoredunak izaten dira. Eskuarki, ixtea mailakatua izaten da, ahari-kolpeak deritzenak ekiditeko.
Erabiltzaile gutxi izango badira, etxeetarako sistema berberak instala daitezke.
Tanga behean duten komunetan deskarga bikoitzeko sistema bat jar daiteke, edo deskarga eteteko sistema bat. Lehenengoaren bidez, erabiltzaileak bi deskarga-bolumenen artean aukera dezake (3 - 6 litro), ondo bereizitako bi botoiren bidez. Bigarrenean, deskarga eten egin daiteke, botoiari berriz sakatuta. Komun berriek, dagoeneko, badituzte instalatuta gailu horiek.
Tanga goian duten komunak. Komunotan ezin liteke deskarga eteteko gailurik jarri; baina bai jar daiteke kontrapisu bat tangan, katea askatzean emaria eteteko, hain zuzen ere.
Adoretu langileak eta bezeroak/erabiltzaileak ohitura eraginkorragoak hartzera.
Jakinarazi enpresako langileei zer neurri hartu diren komunetan uraren kontsumoa murrizteko.
Egiaztatu ez dela urik galtzen.
Deskarga-sistema egokia aukeratuz gero, bateratu egiten dira higienerik sakonena eta kontsumoaren aurrezpen handia.
Fluxometroak / tenporizadoreak. Deskarga-sistema hauek martxan jartzeko uraren pasoa irekitzen duen mekanismoari sakatu behar zaio. Komun-ontzietako fluxometroak ez bezala, sistema hauek ez dute presio handirik behar; ondorioz, eraikin guztietako sareetara egoki daitezke.
Elektronikoak. Sistema hauek presentzia-detektagailuak erabiltzen dituzte eta, beraz, erabiltzailea pixatokitik urruntzen denean egiten dute deskarga. Horrez gain, badaude erabiltzailea pixatokiaren aurrean jartzen denean hasierako deskarga txiki bat egiten dutenak ere.
Urik gabeko pixatokiak. Teknika hau ez dago oso hedatuta Europan. Urik gabeko pixatokiak pixatoki arrunten antzekoak dira; baina ez dute ur-hornidurarako hodirik izaten, ezta fluxometrorik edo sentsorerik ere. Garbiketarako eguneroko prozedurak fluxometrodun pixatokien berberak dira. Pixatokiaren irteeran erabili eta botatzeko kartutxo bat jartzen da. Kartutxoek usain txarrak ezabatzeko produktu bat izaten dute, eta erabileren arabera aldatzen dira (7.000 erabilerara arte).
Animatu langileak/erabiltzaileak ohitura eraginkorragoak hartzera.
Informatu enpresako langileei higiene-instalazioan ur kontsumoa murrizteko hartu diren neurriei buruz.
Zaindu ur galerak.
Instalatu emari-erreduktorea irteera-emaria murrizteko, edo erabili ura aurrezten duten dutxa-buruak (finkoak zein telefono-motakoak); irteera-emaria %50eraino murrizten dute.
Instalatu erreguladore termostatikoa, nahi dugun tenperaturan irteten ez delako urik ez xahutzeko.